أجيه وأدري لو أجـي مالقيتـه
لكن كذا أرتاح لاجيـت ماضيـه
والله لا اموت وغايتي مانسيتـه
حتى بصلاتي اطلـب الله يهنيـه
الحاره اللى تفتخـر فـي مبيتـه
نامت كما طفلٍ فقد حضن اهاليـه
حتى غيابـه للشـوارع شكيتـه
قالت تصدق عاد مثلك انا اغليـه
يشهد جداره من حنينـي بكيتـه
ودي أضم جدار بيته وأنا ابكيـه
ياما بصدق أحساس قلبي عطيته
وياما خذاني من التعب بين اياديه
أذكر في ذاك اليوم مـره لقيتـه
ـيبكي وضايق صاحبي مـن لياليـه
جيته بدون شعور لهفـه خذيتـه
وساعه أنا وياه جالس اواسيـه
وشرد خيالي من دموعه نسيتـه
جالس أفكر في دموعه وناسيـه
مسح دموعي صاحبي واحتويتـه
مثل الغريب اللى تضمه غواليـه
واليوم انا والدمع وجـدار بيتـه
نسترجع الذكرى قبـل لا يخليـه