سيرة الحب
سيرة الحب...؟ليش مستغرب وتزعل يوم ادور عند غيرك
قلب واحساس ومشاعر صرت فاقدها معك...؟
لاتحاسبني...وحاسب نفسك ...وحكم ضميرك
لوأجدها معك ..ماني مدور..الاباتبعك..؟
كنت اقول:الحب يوم انه رماني في مسيرك
نفسه الي فيك ضيعني..وفيني ضيعك
والقليل الي أحسه منك...يغنيني عن كثيرك
صرت ما أحسه كأني لو أجوعك ما اشبعك
قلت:اثيرك...كيف؟مدري..المهم اثيرك
قمت اسوي كل ما يرضيك...حتى أقنعك
والبلا ما نلت ياخي منك ...فيك أو هجيرك
موقعك..مهما أسوي معك...نفسه موقعك..
غامض احساسك وبليد..من اولك حتى أخيرك
ماتحسسني بوجودي ...ماكأني مطمعك...
صرت اشك اصلا بأني كنت في لحظه عشيرك
ومثل هذا الشك...مابه شك..والله يمنعك
ضقت..حتى ما بقالي غير اجيك واستشيرك
كيف تبغاني أسولف فيك ...أشوفك ..أسمعك؟
حس فيني شوي تكفى شوفني كيف أستجيرك.
حاول أنك تثبت أني ساكن بين أضلعك
أعطني من بعض ما أعطيك ....تلقاني أسيرك
خلني أقصى طموحك ...وأنت أشر باصبعك
اه لو أقدر أعيرك بعض أحاسيسي لا عيرك
والله أن ينزف نزيف الدم لجلي ..مدمعك
يمكن أنك لو تعيش الجرح تعرف قدر طيرك
تعرف الي لو وجعته مايفكر ...يوجعك
لجل ذلك ما أقدر أجاملك..وأستحمل نكيرك
فوق هاذا ..ما أسمح لنفسي أخونك وأخدعك
بتركك وان كنت ببقى رغم فرقانا ..ضريرك
وأنت خل اهمالك لشخصي ..وشغلك ينفعك
دام ربي ما كتب يجمع مصير مع مصيرك
يقطع الله سيرة الحب ورجاه...ويقطعك
ناوي ارحل وانت ما قصرت بي مكثور خيررك
وداع با التوفيق لي ...مادمت جاي اوادعك
لومعك قلب ...وتبيني ...مارحلت لحدغيري
كيف معك اقضي حياتي...وانت قلبك مو معك
تقبلو تحياتي..
|