’’’’عل الحياه اللي بدوني تسليك’’’’
والله ماحبك ولا خاطري فيك
ابعد عساك تروح مرواح جدي
خل الدروب اللي تجيبك توديك
وان غبت عني لا تحاول تردي
عل الحياة اللي بدوني تسليك
لاصار حظك في هواي متردي
لا عاد ترجيني ولا عاد برجيك
اعجبك انا لا صارفيها تحدي
مستقبلك يمكن يجي مثل ماضيك
واشلي بحبن وين مارحت ضدي
لقيت دربن مايجي به شرابيك
وورود بستانه علينا تندي
لابعتني والله مانــــي بشاريك
خل المزاح وشوف وشلون جدي
سود الليالي عننا خذتطاريك
وجاني بعد حبك حبيبن مودي
ونسيت من حبه تجاريح ماضيك
ومن سبته دمعي نسى درب خدي
لاتحسبني لا تضايقت برجيك
وقت الكرامه مانخلق شخص قــــدي
|