محيت اسمك
الا ياللي جرحت القلب ثم زدت الطعون طعون
لك الله ما ذرف دمع العيون الا على شانـــ ــك
صحيح الجرح من غيرك على قلبي تراه يهون
ياشين الجرح من خل ٍ عزيز ٍ صنته وخانــ ـــك
انا اللي كنت احبك حب مثل الهايم المجنون
وانا اللي كنت اغار اصلا عليك اكثر من اخوانــ ــك
وانا اللي كنت احسبنك حبيبي وسط هذا الكون
وانا اللي كنت اشيل هموم قلبك وابعد احزانـــ ـك
وانا اللي كنت اشوفك فوق والعالم ولا يسوون
واحب اللي تحبونه واعادي كل عدوانـــــ ـــك
وانا اللي كنت اداري خاطرك وادللك بالهون
ولا اصدق كلام الا كلام ٍ ينطق لسانـــــــ ــك
وانا اللي كنت اشوف من البشر مليون لون ولون
ولا افكر احب انسان لان القلب مسكانــــــ ــك
وانا اللي كنت اقول الشعر ابك والناس ما يدرون
كتبت بدم شرياني ولا هو بدم شريانــــــ ـــك
عطيتك حبي الصادق مشيت اعمى بدون عيون
عطيت احساس شاعر يعزف اوتاره على الحانــــ ــك
احسبنك معي صادق على وضح النقا ما تخون
على العهد القديم اللي معاي وبرت بايمانــــ ـــك
وحسب اني حكمت احساسك الكاذب واثره ضنون
وذلحين مسحت اسمك على رقمك وعنوانــــ ــــك
|