بيانات اضافيه [ + ]

رقم العضوية : 3640  تاريخ التسجيل :  Jan 2013  أخر زيارة : 2019-06-13 (10:05 PM)  المشاركات : 1,735 [ + ]  التقييم :  4930  الدولهـ  الجنس ~  SMS ~

لوني المفضل : Cadetblue

وشلون ما أحبك ولا عدت مغليك وأنتي الدواء لإنسان دونك يعاني

وشلون رحتي وكل صوتي يناديك يا هيه اسمعيني ترى العمر فاني

ما قلت لك من قبل ماني مخليك يا كيف تنسيني وقلبك نساني

كتبت لك في صدر الأيام أبغيك وكتبتي لي خلاص غيرك خذاني

حتى جدار الصمت لو إلتفت فيك بكيت من صمته وضيق الثواني

عشقت كل لحظات عمرك وماضيك ومعك عرفت إن الأماني أماني

وسويت لك في داخلي شئ يرضيك وإن كان ما يرضيك سويت ثاني

نزعت فرحة خاطري ليتها تكفيك وزرعتها في داخلك ما كفاني

ضحكت لك وأنا من الحزن أسليك وحبست دمعي لجل أقدم حناني

وصديتي وقت الضيق مابيك مابيك تشوفيني أضحك وأنا اللي أعاني

يا الزمن تكفى طلبتك وأرجيك لا تبخل بـوصل الحبيب الأناني

قد قلت لها مقدر أفارق وقد قلت لها هـالبعد ياما كواني

لكن حسافة كل صوتــن يطريك ياما مع نفسي ذكرتك أغاني

بيديك كل اللي حصل إيه بـيديك بديت أحسك شئ خارج زماني

ودامك زرعتي إنسان غيري بأراضيك فأنا ما أحب يكون غيري مكاني

بـتغيبين غيبي ولكن اسمعي محاكيك قبل السفن تنوي بهجر المواني

في خاطري كلمة ويمكن تبكيك أبيك تسمعيها دقايق عشاني

لو الزمن يعطيك ماهو معطيك شخص يحطك بين عوج المحاني