|
إذا جاني مسج منك مخزن رقمك الغالي..
كفايه صارلك شهرين غايب عني يالغالي
كفايه يا اعز الناس ترى والله ما اقدر
دخيلك لاتخيب فيك هقواتي وامالي
واذا انها عالصبر والله وغلاتك عندي راح اصبر
ابتحمل عنا فرقاك وحالي يرثي لحالي
معني والله لين اليوم مدري ليش بس تهجر
ابعرف شالسبب ارجوك وشاللي بس يجرالي
انا شسويت يا ربي عشان اتثور وتتفجر
انا والله ما استاهل ابد كل اللي يجراللي
اقل ما فيها بس قلي سبب خلاك تتغير
ابعرف بس شالموضوع علامك صرت ما تبالي
بذمت كل اهلك فيوم شفتني بشي انا مقصر
عطيتك قلبي وروحي وهبتك حالي ومالي
حملت احساس هالدنيا وعطيته لك وانا افخر
عشقتك عشق لا قبله ولا بعده انعشق تالي
هوتيك موت واتخيل الين الموت واتصور
واذا جاني مسج منك مخزن رقمك الغالي
ولا امسح رسالاتك اتم اقراها وافكر
واحلل كل كلمه بالمسج الله يا غربالي
واقول بخاطري معقوله حاسس فيني ويشعر
وارد اقول لا يمكن تذكرني واهو سالي
لاني توني مطرش مسج . طرش مسج يشكر
وارد اقول لا ادري يبيني وحاسس بحالي
وارد اقول لا ما اظن على باله انا اخطر
الين اني انا اتاكدت قلبه بالفعل خالي
ولاغيري انا فقلبه يحبني موت ويقدر
لاني مره من المرات طرت فكره على بالي
نويت ازعل بدون اسباب واشوفه لو بيتاثر
ابعرف قدري بقلبه بيهمه وضعي الحالي
اوانه راح يطنشني ولا يسال ويستفسر
وفعلا دق وما جاوبت حرقلي والله جوالي
3الاف مره دق وانا مطنش ولا معبر
كتب لي بالمسج اطلع انا عند بابك الحالي
قسم بالله ما تطلع لا خربها و انا واحذر
ومشكلتي اعرفه زين يسويها ولا يبالي
نزلت وخاطره مكسور يقول شفيك متغير
وقلت له بس ابتاكد اذا قدرمعك عالي
ضحك لي وقال لي اتاكدت ودمعه بلل المحجر
وطارت فيني الدنيا لمكاني صاحبي جالي
تعذرلي وانا الغلطان وانا اللي لازم اتعذر
وبعدها عشت احلى ايام في قربه هنيالي
وصلنا لمرحله ما نفترق عن بعضنا واكثر
بعدها فجاة خلاني ولا يسال عن احوالي
وانا في خاطري ادري مو حالف يوم يتغير
ادقله ما يجاوبني بديت اشك في حالي
اخاف انه حصل له شي اخافه بس متكدر
لعب في قلبي الوسواس خياله ما تهيالي
حوالي 1000 مسج طرشت حبيبي يا عسى ما شر
ولا جاوب وانا قاعد على اعصابي وغربالي
حبيبي صارله اسبوع وفيني حتى ما فكر
الين اني عرفت شلون اخلي خلي الغالي يكلمني
وجت فكرة بعد ما مت وانا فكر
وفعلا اتصل فيني وبدت احزاني واهوالي
وكانت صدمتي كبيرة علي الغالي يتكدر
وكانت صدمتي كبيرة علي الغالي يتغير
سالته قلت له وشفيك مامن شر يالغالي
وشاللي صار بالدنيا علامك ليش متبعثر
اوانك يعني ما تدري بدونك صرت انا لحالي
ولا لي خلق اي انسان كثر ما فيك انا افكر
وجاوبني وقال ارجوك ابي هالدنيا تصفالي
انا مليت من وضعي واشوف الكل متغير
انا ضاقت بي الدنيا وابي ابقى انا لحالي
خلاص اتركني لا تسال وانا برجع عقب اشهر
وقلت له مو علي تكذب اعرفك تضعف قبالي
تكلم قول شالموضوع بدا قلبي يدق اكثر
سكت لحظه وقال ارجوك ابعد عني يالغالي
وخلني اذكرك بالخير وانت مثلي اتذكر
ولا اتطرش مسج واحد ولا اتدق لي ابد تالي
واذا لي خاطر عندك لا تتكلم ابد سكر
وقلت له والله ما سكر الين اتقول وتصفالي
وقال لي والله ما تكلم ولو تبكي دمع احمر
ولكن شوف ربعك وانت تعرف وش جالي
خلاص افهمها عالطاير لا تحرجني بعد اكثر
وسكر والدمع فيني على الخدين همالي
قسم بالله ما ادري علامه قلبه اتحجر
فوادي انهار وانا حملي يهد جبال واجبالي
في لحظه صارت الدنيا في عيني هالكبر واصغر
حسافه ما توقعته يصدق فيني عذالي
حسافه ما هقيته يوم يصد عني ويتغير
بعدها صارلي ما صار وربي يعلم بحالي
فوادي باقي بس شوي واحسه من الجسم يظهر
بديت اعرق مدري ليش وخابت كل امالي
انا توقعت كل الناس ولا توقعت اهو ينكر
وقلت بخاطري خله مصيره يرجع الغالي
اكيد انه سمع اي شي وجوه صار متعكر
ولكن طول غيابه وزادت فيني اعلالي
مرض قلبي وتعب فكري واحسه جسمي متخدر
وقلت خلني اطرش له مسج واشكيله احوالي
وطرشت المسج وشوي دق لي ودون ما فكر
هلا والله يا اغلى الناس هلا والله بالغالي
الو طارق ماقلت لك لا تذكرني او اذكر
ابي بس اذكرك بالخير يا اخي خلني في حالي
وقلت وخاطري مكسور انا اسف وما كرر
قسم بالله لين اليوم وحالي يرثي لحالي
قسم بالله لين اليوم ولا ادري ليش اهو تغير
قسم بالله ماغضن عيوني ولا هدا بالي
قسم بالله مامر يوم الا فيه انا افكر
قسم بالله قلت بنساه بس طيفه يتهيالي
قسم بالله لو حاولت انا انساه اتذكر
الين اليوم انا عندي امل يرجع ويصفالي
اقول الشوق بيرده على فرقاي ما يقدر
الين اليوم وضحكاته وبسماته على بالي
الين اليوم ما ارقد كثر ما فيك انا افكر
ابعرف شالسبب ارجوك وشاللي بس يجرالي
انا شسويت يا ربي عشان تثور وتتفجر
انا والله ما استاهل ابد كل اللي يجراللي
اقل ما فيها بس قلي سبب خلاك تتغير
ابعرف بس شالموضوع علامك صرت ماتبالي
بذمت كل اهلك بيوم شفتني بشي انا مقصر
انا راح انتظر ردك ولو حتى بمسج خالي
واذا ما جاني منك الرد وغلاتك عندي راح اصبر
سنه سنتين اللي هم اشوف ثاني قبالي
ثلاث سنين او اربع ابصبر يعني راح اصبر
ولكن حكم احساسك وجاوب يا اغلى كل غالي
بذمة كل اهلك بيوم تنساني ولا تذكر
يهون انك تخليني ولا تسال ولا تبالي
يهون انك تنام الليل وتتركني انا اسهر
كفايه صارلك شهرين غايب عني يالغالي
كفايه يا اعز الناس ترى والله ما اقدر
دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر
واذا انها عالصبر والله وغلاتك عندي راح اصبر....
|