|
.. |[.. هـآم آلخفوق وجآب طآري للآحبـآب ,‘, ..]| ..
هام الخفوق وجاب طاري للأحباب
وفزيت من صوت المنادي بصدري
قمت اتلفت وارجع الطرف للباب
اصفق على الكفين واقول .مدري؟؟؟
اللي سمعته صح ولا انت كذاب
ياقلب ولا ناوي اليوم بدري
ودك تشيبني وانا شّب ماشاب
مكفاك مني ناشف العظم مبري
قال أرجهن ولا تكرز على الناب
هذا انت لانه غاب عنك تهذري !
ان كان من حمى المفارق بتنصاب
الله يعوض فيك ياشين صبري
يبطي صويب الحب ياصاح ماطاب
تدمي جروحة كل ما قلت تبري
كم مات عاشق بس ماعاشق تاب
يلله نحفر اثنين قبرك وقبري
بـ قلم : آلشريف آبرآهيم آلوكيل ~
|