طلب إجازة من شوفتهم ...
السلام عليكم ورحمة الله وبركاته
بسألكم سؤال بدون لف ودوران ومقدمات
شو رايكم بالإنسان (الملول)
/
/
ألي ما يحب الروتين ويحب يجدد حياته ويجدد علاقاته
هو بالتأكيد صعب كل يوم صداقة جديدة او قصة حب جديدة
لكن يحب بين فترة وفترة ياخذ إجازه منهم ....يبعد عنهم قليل
وبعدين يرجع لهم بكل قوة وشوق ولهفة وحب ..أحيانا ما يلاحظون ابتعاده واحيانا كثيرا يغتنم الظروف فرصة عشان يبعد....
ما يقدر على طول يكون معاهم وطول الوقت تواصل معهم
أما من ناحية البيت ...والحالة الاجتماعية
فهو يحب يسولف ويضحك وحبوب ...لكن بين فترة وفتره ..
يعني مو دايمايحب يجلس مع الاهل
ما يقدر كل يوم لإنه يزهق وما يحس إنه شي ممتع ...
اما من ناحية الانترنت والمنتديات
فهو فكل يوم في منتدى وإذا حب منتدى بقي فيه فترة وبعدين خرج منه فترة مؤقتة وثم رجع لهم
يخرج بحجة إنه مشغول وهو زهقان أصلا ....
في ناس حتى لو زهقانة تبقى في نفس المكان لكن تصير هادية في حالها يقل نشاطها
لكن صاحبنا الملول ما يحب يبين إنه زهقان عشان لا يكون غلس
وكئيب ...فيدور مكان ثاني يكون مبسوط فيه
وقد يكون هذا المكان من زمان هو فيه لكن تركهم لفترة
الزبدة وما في أدسم من الزبدة ههه
هل من الطبيعي إن النفس البشرية تكون كذا
ولا هذا طبع فالإنسان ؟؟؟؟
وإذا كان طبع تتوقعون إن طبع سئ ولابد تغيره أو لا ؟؟؟؟؟
لا تبخلون علي بكل ما لديكم بخصوص هذا الموضوع
واغيثونا ههههههههههه ^_^
وألف شكر لكم حبايب قلبي شواء تفاعلتوا أو لا
المهم إني فضفضت لكم
|