منتديات رهين الشوق - عرض مشاركة واحدة

2010-01-08, 12:16 PM

صبـآح / مسـآء الورد

أنفض غبار الجروح وأجّدد احزاني ..
واترك عيوني تسولف لك عن غيابك ..!
مابين نزف الشعور وبين حرماني ..
ابسألك قول وش هي : شرهة عتابك ؟
أخاف من شرهة لساني على لساني ..
لاقال بعد الغياب المر , وش جابك ؟
يموت ذنبك .. على لسانك / وغفراني ..
يشفع لك ان شاف دمعك يغرق أهدابك ..
العذر ذنبك بعد .. ماجيتني .. عاني ..
( والحب غلطة ) عمر .. لابد تنتابك !
أضحك مع الناس لكن شفني اعاني ..
اقرا عيوني .. كتاب الحزن وكتابك ..!
مليت حزني وصمتي .. مل كتماني ..
مليت اداري غيابك , والعن اسبابك ..
مليت , يكفيني اللي شفته وجاني ..
مليت ريح القصيد ان عانق اطيابك .. !
بعيش وحداني وبموت وحداني ..
الله يستر عليك ويجبر مصابك ..
لكن دقيقه , تعال وجاوب لساني ..
لاقال / بعد الغياب المر وش جابك ؟