منتديات رهين الشوق - وشلون قلبك ياحبيبي تركني

منتديات رهين الشوق (http://www.alshoogg.com/vb/index.php)

- ملتقى شعراء رهين الشوق (http://www.alshoogg.com/vb/forumdisplay.php?f=15)

- - وشلون قلبك ياحبيبي تركني (http://www.alshoogg.com/vb/showthread.php?t=6283)

وشلون قلبك ياحبيبي تركني

@السلااام عليكم ورحمه الله وبركاته@

قصيده حزينه عن الهجر...
خلي هجرني تكفى ياموت زرني
وان ماقدرت دلني مكانك وانا اجيك

مابي حياتي دام خلي هجرني
مابي حياته دامه يقول مابيك

يدري بظلم الناس يدري وظلمني
واكد كلام اللي يقولون ناسيك

لكن قبل لاتاخذ الروح مني
باسأل حبيبي كم سؤال وخاويك

وشلون قلبك ياحبيبي تركني
وتدري بخفوقي كم له سنين هاويك

وماتدري بعادك وصدك ذبحني
وماتدري عن دمع نثرته وانا ارجيك

اسال جميع الناس وش صار عني
اسأل وش اللي صار في حال مغليك

لو علموك عن قلبي اللي يوني
مطعون يصرخ يشتكيلك يناديك

لو عاش عاقل عيشتي كان جني
حالي لو تشوفه بعيونك يبكيك

صار الحزن هو لعبتي صار فني
ابكي ندم والله الى حل طاريك

ضيقت صدري وياالهموم اسكنتني
احكي واكمل ولا ماقلت يكفيك

اللي سمعته بسبتك انت مخطي
عطيتني كرهك وانا بالحب معطيك

ضاعت سنيني وانا بالحب ابني
قصور وانهدت سبب فعلت ايديك

جاك الوفاوالحب والعشق مني
حتى الوله والشوق والصدق معطيك

قلبي وفالك وانت قلبك خدعني
خدعت قلب كان بالحب شاريك

بكذب وخيانه وغدر قلبك ضمني
في وقت قلبي فيه يسهر يداريك

ماكنت اظن قصدك بحبك تذلني
ذليتني من بعد مامت انا فيك

هذي حقيقه بعض مامنك جتني
وبعض اللذي اسقيتني انت باايديك

ماكنت ساكت خايف بس لأني
ميت بحبك ماأقدر ازعلك واشقيك

حرمت اقولك من محبتك عطني
مادام غيري في محبته مرضيك

ببعد بعيد واوعدك ماأحني
ابشر اببعد ومع حبيبك بخليك

خلصت هرجي اللحين ياموت خذني
تاركلك الدنيا بها الله يهنك

وإذا سأل في يوم انا انسان عني
قله توفى والسبب طعن بيديك
م|ن