منتديات رهين الشوق - بنيت حبك حلم لكن من الطين

بنيت حبك حلــم لكن مــن الطين
ماكنت اظـن الوقــت ينثــر ترابه

ياغايبة والحب غايب من اسنيـن
جرحتــي قلبــي وانشغلت بعذابـه

غبتي سنه ؟! لاوالله اكثر بضعفيـن
وقلبي غشاه الحزن من حر مابـه

غبتــي ولكــن ليــه يومـك تغيبين
ماتتــركين بوســـط قلبــي اجابــه

جلست حايــر انتظــر رجعتك لين
بانت علــى وجهـــي ملامح كئابه

حتى خفوقــي ياغلا الروح تدرين
جمّـــع ضلوعــه مستعد لذهابــــه

انتـــي وجرحي والزمن جد وافين
عذبتــو قلبـــي آآه بـــأول شبابــه

انشهد ان اجــروح صدك سكاكين
بجـــروح غيــرك للاسف ماتشابه

انهد حيلي وش بقـــى عـاد تبغين
حتى العقل يابنت فاقـــد صوابـــه

ايقنت حبك حلم لكــن مــن الطين
وايقنت ان الوقــت بعثـــــر ترابه
/ابراهيم جابر عسيري