منتديات رهين الشوق - العيد وش يسوى أمانة بدونك

( 1 )

العيد باقي له من اعمارنا ايـّام

............. وأنتي عمـر كـل يوم يشرق به العيد

يعني لو أرسلت التهاني . ابنـلأآم
............. وشلون أهنـي العيد يا شيخه الغيد

( 2 )

ياعيد ابسئل صبحك شـلون يقدر

............. يناظر اللي كل يــوم بها عيد

ما تستحي يا عيد يالله تـعذر
............. قل جيتك ربي كتبها مواعيد

( 3 )

لو التهآني تدرك المسأله زين

............. ما كان حـطت وردهآ غير بيـدك

والعيد لولا موعده كان بالدين
............. كل البشر قالوا ترى العيد عيدك

( 4 )

العيد وش يسوى أمانه بدونك .؟

............ ياللي صباح العيد دونك ولا شي !

أنتي صباح العيد كحّل عيونك .؟
............ وإلا عيونك كحلت عينه شوي !

( 5 )

العيد عندي يوم يقبل محياك

............ والعيد عند الناس معروف يومه

ياللي جميع الخلق يازين تفداك
............بالله ؟ منهو يعشقك من يلومه

( 6 )

وش عاد لو قالوا , ترى العيد باكر

........... ماله طعم . ماله أبد إي قيمـة

العيد , عندي لا سقيت المشاعر
.......... من روح منهي في حياتي عظيمه

( 7 )

تعآآآل / عيّد بي قبل ما يعيّد

........... فيني حـزن غيّر موازين راسـي

ترآي في صبح المعايد وحيّد
........... غريب بين أهلي ومابين نآسي

( 8 )

من كم سنه ما ذقت أنا فرحـة العيد

............يمر صبح العيد من دون طـاري

ما غيّر أونس خاطري بالمواعيد
..........لكن خسارة / ماش مابـه محاري