|
مقهى الحزن
{مقهى ألحزن } ..
لــــ الشاعره الجميله .. نـاديه الـمطيري / أحس أني غصن يابس أبي هـ الغيم يبللني وتسألني حزينه ليه مدام الغيم في يدّك أبعرف ليه تهملني ؟!! وقف ردّك على أطراف العجز والتيه بعد هذا تسألني أبرحل ليه .؟؟ "المشهد ألأول " مقهى ، طاوله ،قصاصات أوراق أتعبها الشعر / ألألم ..فناجين قهوه فارغه ، فنجان قهوه بارد عازف يعزف في الركن القصي من المقهى ،وفتاة تجلس وحيده سوى من حزنها ... / فنجان حزني منسكب فوق الاوراق ياكثر ماعنّيت نادل قصيدي فنجان ثاني هـ المساء الهم رقراق إما كسرته أو كسر فيّ قيدي أمسح بقايا هـ الحزن وأطرد إشراق ويسيل حبر الليل من داخل أيدي حتى أمتلى الدفتر الم ، دمع ، وفراق قلت أبكمل آهتي في وريدي ودي يواسين الفرح لحظه عتاق ويقول والله ( ماكان صيدي ) حاولت أكيد الدمع وتجف الأحداق لكن منديل البكى رد كيدي دوزنلي العازف فرح لحن ألأشواق وبـ داخلي دوزنت حزني / نشيدي والنادل يلملم فناجين عشاق وأنا وحيده أتبعثر فـِ بيدي البعض غادر والبعض مابعد فاق والبوح أدمى بـ الحكايات جيدي تعبت أسولف للورق حد الأرهاق والطاوله ضاقت بـ كثرة قصيدي حتى فضى المقهى ولميّت الأوراق وأنا أمني النفس بـ قدوم عيدي "المشهد ألأخير " المقهى فارغ سوى من نادل يعيد ترتيب الكراسي .. تعبت كثير متى قلي أكون بخير ؟ تبي أرحل ! تبي أبقى ! وش اللي تبيه بس يصير ؟ أمانه بس لاتزعل أذا مريت بـ غصوني وفز الطير أذا ناظرت بـ عيوني / لقيت الغير قسم بالله على عيني بس وشهو بيديني تبي ترحل خلاص أرحل أبيك تكون بـ خير تأكد بس أبيك بـ خير |
رد: مقهى الحزن
روعه ياذوق
|
رد: مقهى الحزن
والنادل يلملم فناجين عشاق وأنا وحيده أتبعثر فـِ بيدي البعض غادر والبعض مابعد فاق والبوح أدمى بـ الحكايات جيدي * * * أذا ناظرت بـ عيوني / لقيت الغير قسم بالله على عيني بس وشهو بيديني تبي ترحل خلاص أرحل أبيك تكون بـ خير تأكد بس أبيك بـ خير ماأدري أي الابيات أقتبس رائعه بحق هذه الشاعره |[ رهين! هُنا مُتصَفحْ باذخ بِ الجمَالْ طبتْ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: مقهى الحزن
|
رد: مقهى الحزن
.. طرح أكثر من الراائع .. ..سلمت أنــآملك على هذا الابداع .. ..كـــل الوود لك.. [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
رد: مقهى الحزن
حرف عذب و ممتع ...
شكرا لك يا أمير .. |
| الساعة الآن 12:02 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق