منتديات رهين الشوق - ودّي اناقش مع سعادتك .. موضوع

ياللي وراك ضلوع ومن دونك ضلوع
متمركزٍ ف الصّدر كنّك ... وداعـه

ودّي اناقش مع سعادتك .. موضوع
وابغيك تعطيني فقط { نص } ساعـه

.... اوّل تجي يمّي من الشّـوق مدفـوع
ومَ احلى من المشتاق غير إندفاعـه ....

إن غبت عنك تصيح ودموعك دموع
مافيك ل الصّبر الجميل .. إستطاعه

مجنون فيني و { القلم } عنك مرفوع
همّك رضاي ومجتهد .. ف إتباعـه

واليوم .. لا حبل الرجى فيك مقطوع
مشيت درب اللّفلفـه .. واللّكاعـه

.... واللّي تسبّب في تغيّرك .. مجمـوع
عدم ثقه فينـي .. وبـث الإذاعـه ....

خل الكلام اللّي من الكذب .. مصنوع
وإخذ الكلام اللّـي تـذوق إنتفاعـه

.... ماكل هرج يمر " اذآنكـ " .. مسموع
اربع ارباع اللّـي يمـرّك إشاعـه ....

لو الحكي بفلوس او شيك .. مدفوع
يمديك ضامي ل الكلام .. وسماعـه

ياشينها لاجاتك " همومك ".. جموع
ولاعاد عندك ل المواجه .. شجاعه

.... وياشينها لو كان لك حق مشـروع
واقربهم ل قلبك سعى فـي ضياعـه ....

هذا الكلام الليّ من القلب .. مطبوع
إقرا كلام القلب وشـوف إنطباعـه

اسمع ترى الجوال ماهوب... مقطوع
.......شغال له أربع وعشرين ساعه