![]() |
كيف أنسااااك
نسيتنـي علّمنـي شْلـون أبنسـاك=في هالزمن نسيان الأحبـاب عـادي وشلون لامرّت علـى البـال ذكـراك=وطيفك سرق منـي لذيـذ الرقـادي وشْلون لا قالوا لي الناس وش جاك ؟=من كنت فـي لـذّة منامـك تنـادي وشْلون اعيش اللـي بقالـي بليّـاك=لا مـن غدينـا كـل واحـد بـوادي لو قلت اداوي جرحي اللـي تباطـاك=ماكلّ جـرح يْفيـد فيـه الضمـادي أعلنـت حبـك ليـن كـلٍّ تمـنـاك=غلطة وغيري من خطاي استفـادي لو لي مثـل قلبـك تمنيـت فرقـاك=واكيد قبلـك بالجفـا صـرت بـادي حلـوه عذاريبـك وحلـوه مـزيـاك=حتـى بيـوم فراقنـا كنـت هـادي كنّ الليالـي ودهـا تكسـب رْضـاك=وأنا يطـول مْـع الليالـي جهـادي في ذمتي .. ماهي غريبـة خطايـاك=مبطي وقلبك لـو تنبّهـت غـادي ! سهلة على من كان مثلك وشـرواك=مثـل الثيـاب يغيـرّون المـبـادي علمنـي أكـره ذكرياتـك وطريـاك=وأنسى من الليلة صـدوق الـودادي ولانيب قايل عقبها ويـن أبلقـاك ؟=راضي لو إن جروح قلبـي جـدادي وإلاّ القصايـد جعلهـا مـن فدايـاك=لبّستهـا مبطـي ثيـاب الـحـدادي باكر على المخطي يـدورنّ الافـلاك=ونشوف من يصعب عليه البعـادي ! |
رد: كيف أنسااااك
يعطيك الالف عافيه
عساك ع القوه |
رد: كيف أنسااااك
سهلة على من كان مثلك وشـرواك=مثـل الثيـاب يغيـرّون المـبـادي بصراحهـ بيت عن قصيدهـ كامله صح لسانك عاشقهـ لا تحرمينا جديدك دمتيـ بــود مـــنـــتـــيـ (كـــفــو) |
رد: كيف أنسااااك
عاشقة الدموع
صح بووحك كلمات رااقت لي كثيراً كما طااب لي البقاااء فيهاا دمتي كما انتي لك ودي وردي |
رد: كيف أنسااااك
؛ عطآء متوآصل .. لآهنت .., /’ |
رد: كيف أنسااااك
وللوجع هنآ عزف مختلف.. شكري للإنتقآء الرائع [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] |
الساعة الآن 08:36 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010
*جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر رهين الشوق