منتديات رهين الشوق - للحب مفهوم عمرك ماتخيلته

قلت لي شي وش خليـت مـا قلتـه
اسكت وخـل الكـلام لجرحـي الدامـى

لو غيرك اللـي يسولـف مـا تحمّلتـه
لكن على شـان عينـك هانـت ألامـى

للحـب مفهـوم عمـرك مـا تخيلتـه
ما أظـن يستوعبـه تفكيـرك السامـى

هذا الفـراق الطويـل وهـذي أسئلتـه
هـذا حصـاد السنيـن وهـذي أيامـى

يا ما ويـا مـا عليـك البـال طولتـه
والعمر عدى وأنا عايش على أوهامـي

حتى طريـق الفـراق اللـي تساهلتـه
لقيته أصعب على نفسـي مـن أقدامـى

اصبر لـي شـوي لـو دمـي تثاقلتـه
بحاول أستوعـب اللـي صـار قدامـي

الحلم ضحكة بعينـك بـس مـا طلتـه
عمرك بـهالكون شفت أبسط من احلامي

القلب لو ما خفق لك كـان مـا شلتـه
ولو ما أنت ملهم قصيدي جفت أقلامـي

هـذا قصيـدي بعينـك لـو تجاهلـتـه
ينزف على شأن يروي قلبـك الضامـى

العـام طـاري غيابـك مـا تقبلـتـه
واليوم حرماني أصبح مصـدر إلهامـى

لا تعتذر لـي وابنسـى كـل مـا قلتـه
وش ينفع العذر لامن ضاعـت أيامـى